3 مارس 2019

توادعنه وتفارگنه نشر منذ Mar 03 19 am31 05:18 AM - عدد المشاهدات : 1777

وزغر بعيونه اچم ليلل من فاتت مواعدنه

 وبچينه ايامنه ولا حيل ظل عدنه

 امنهدهه وگتلك العشاگ مو منه

هذاك انته غريب وخاطرك مكسور

وعيونك حزن يافلان

حزن شوگ اليتيم  المالگه  اهله گبور

 

  وهذا انه وبعدني انه

اشم حزنك ولا شوفك

احس بروحي هم انسان من

 اتناوش چفوفك

وبعدني انه

من تبرد عيونك وحس ما ملهوف

اگلك موش ملگانه

وبعدني انه

اجيس الطيف لو غني

وارد واستورح الوانه

بتفاصيلك عثر شوفي

وبديت الگاك تشبهني

عليش تغيب يم روحي

 وخيالك غاد من يمي

ياحنه اعله چف عريس

يمته الگاك ترسمني

سولفني واغنيلك

واخذ عمري نذر غياب

باجر مايظل اسمك

باجر من يجيسك شوگ

تبرد والبچي يلچمك

ولگاك ودمعتك تكشخ بخدك

يلمالك وداع وياي تزعل ولهوه يردك ,

وتجي وتسالني عن روحك

واكلك غربتك منك

واكلك ماصرت نيشان واندلك

انته وطن متغرب امن الناس

انته اول وطن ذايه ولا جنك ,,!

 

 

الشاعر

 علي الماجدي